“Мафия по карабахски”

Մի անգամ խաղի ժամանակ նույնիսկ 4 շերիֆ բացվեց: Ընդհանուր առմամբ` կիքսեր ու զավեշտալի դեպքեր մեզ մոտ շատ հաճախ են լինում”,-ասում է Վաչիկը, ով 4 ամիս առաջ Ստեփանակերտում բացեց առաջին MAFIA CLUB-ը:

Մինչ այդ ստեփանակերտցիները, այլնտրանք չունենալով, խաղում էին միայն բիլիարդ: Նույնիսկ հանրապետության մակարդակով պարբերաբար կազմակերպվում էին բիլիարդի մրցաշարեր: Երբեմն այնպիսի տպավորություն էր ստեղծվում ասես բիլիարդը ղարաբաղցիների ազգային ու ավանդական խաղատեսակներից է:

Հիմա երիտասարդներն այլընտրանք ունեն. նորաբաց ակումբում կարող են ոչ միայն մաֆիա խաղալ, այլ մի բաժակ գարեջուր կամ կոֆե խմելով դիտել համաքաղաքացիների խաղը: Ինչպես ասում են` “мафия по карабахски”-ի ականատեսը լինել, բայց ակումբի կից սրահում` բարում, որտեղ տեղադրված հեռուստացույցը “ուղիղ հեռարձակմամբ” ցուցադրում է խաղը: Վաչիկը հիշում է, որ սկզբից խաղացողներից ոմանք տեսնելով խաղասրահում տեղադրված տեսախցիկը զարմացած արձագանքում էին` “էս մեզ տելեվիզորով ցո±ւյց են տալու”:

“Երեւանում Մաֆիայի ակումբները բավականին շատ են, ես էլ իմանալով, որ Ղարաբաղում շուկան ազատ է` որոշեցի այստեղ բացել Mafia Club: Ակումբն իր գործունեության 4 ամիսների ընթացքում ունի մշտական այցելուները եւ ըստ այդմ էլ ձեւավորվել են անդամները: Մեկ-մեկ բարի կողմից նաեւ հյուրասիրում ենք լավագույն խաղացողներին”,-ասում է Վաչիկը:

Հենց այս սեղանի շուրջ էլ ամեն երեկո հավաքվում են մաֆիա խաղացողները: Mafia Club-ը բաց է շաբաթվա բոլոր օրերին` կեսօրից մինչեւ ուշ գիշեր: Ժամը 12-19 խաղացողները վճարում են 300-ական դրամ, իսկ ժամը 19-ից հետո` 500:

Ակումբի տնօրենի հավաստմամբ` գները սահմանելուց փորձել են այնպես անել, որ ուսանողների համար էլ մատչելի լինի:

Թե ինչով են տարբերվում Ղարաբաղի եւ Հայաստանի մաֆիա խաղացողները, Վաչիկը միայն մի բան նշեց, որ Երեւանում խաղից հետո կարող է մասնակիցները ընդամենը մի քանի րոպե քննարկեն խաղը, իսկ Ստեփանակերտում քննարկումը կարող է տեւել նույնիսկ մի քանի ժամ:

Հ.Գ. Մաֆիա ակումբը սակայն այնքան էլ չի գովազդվում Ղարաբաղում, ինչպես օրինակ ժամանակին բիլիարդը, որի չափսերով բավականին մեծ ցուցանակները տեղադրվում էին քաղաքի կենտրոնական մասերում:
Շարունակելի...

Անի Ազատյան

Անահիտ Դանիելյան