Friday, September 17, 2010

Մերօրյա պատմություն հին բերդի կյանքից, կամ թե ինչպես բամբասանքը քանդեց Ցլիկ Ամրամի տունը

Նկարի հեղինակ` Անահիտ Բադալյան
 -Ա ժղովուրդ, լսել ե˚ք, ասըմ են` Աշոտ Երկաթը եկել ա իրա ախրաննիկներով, մի հատ էլ ծի¥ձի¤ ունի, վեր մհետ քացով տա է¯
Աշոտ Երկաթը եկավ, ու հետո պարզ դարձավ, որ նա հաճախակի է երևալու այդ կողմերում. կարևոր գործեր ուներ Ամրամի հետ: Ամեն ինչ սկսվեց Աշոտի պատվին կազմակերպված ճաշկերույթին, ուր ներկա էր քաղաքի ողջ էլիտան, հատկապես էլիտար կանայք, ովքեր ականջները չորս արած սպասում էին հարմար առիթի` որսալու օրվա սենսացիան: Նրանք երկար չսպասեցին. հենց ճաշասրահում հայտնվեց գեղադեմ Ասպրամը, Երկաթը նրան նայեց խորաքնին հայացքով, հետո <<պարզ դարձավ>>, որ  նա թաքուն համբուրել է բերդապետի տիկնոջ ձեռքը… 
Շատ ջրեր հոսեցին,  շատ բամբասանքներ պտտվեցին, Ցլիկի ականջին էլ հասան այն էլիտար զրույցները, որոնք իրենց շրջապտույտի մեջ էին առել Երկաթին ու բերդապետի տիկնոջը: Խանդոտ ամուսինը փակեց Ասպրամին բերդի վերնահարկերից մեկում, տիկինը մի քանի օր հրաժարվեց ուտելիք ընդունել, մի առավոտ էլ ամուսինը կնոջը գտավ անշնչացած` կախված առաստաղից…

Հ.Գ.  Ցլիկ Ամրամին պատկանող Բերդի շրջակայքում վերջին պեղումներից մեկի ժամանակ բերդից դուրս գտնվող  վայրում հայտնաբերվեց կնոջ կմախք, որի վրայի զարդերից ենթադրվեց, որ այն Ցլիկ Ամրամի կնոջն է պատկանում, բացի այդ, Ասպրամը չէր կարող թաղվել իր մերձավորների կողքին, քանի որ քրիստոնեական կարգն արգելում էր մեղսակից ինքնասպանի մարմինը թաղել գերեզմանոցում…

1 comment:

  1. Չգիտեի, որ "քրիստոնեական կարգն արգելում էր մեղսակից ինքնասպանի մարմինը թաղել գերեզմանոցում…: :Չ

    ReplyDelete