2010թ. հոկտեմբերի 2-ին ԼՂՀ Հադրութի շրջանի Տումի գյուղում տեղի ունեցավ հուշարձանի բացում, որը նվիրված էր արցախյան պատերազմում զոհված ազատամարտիկների հիշատակին: Բացման արարողությանը ներկա էին ԼՂՀ նախագահ Բակո Սահակյանը, վարչապետ Արա Հարությունյանը, Հադրութի շրջվարչակազմի ղեկավար Վալերի Գևորգյանը, ՊԲ նախարարի տեղակալներ գեներալ-մայոր Լևոն Մնացականյանը, գեներալ-մայոր Սամվել Կարապետյանը, ՀՀ ՊԲ N կայազորի հրամանատար գեներալ-մայոր Կամո Աղաջանյանը, ԼՂՀ ԱԺ պատգամավորներ, պաշտոնատար այլ անձինք, Տումի գյուղի և հարևան բնակավայրերի բնակչությունը:
